Doctor yan բժշկական ծառայությունների ամրագրման հավելված

MEDU.am-ը և Doctor yan-ը ստորագրել են հուշագիր՝
Համատեղ գիտական առցանց և առկա նախագծերի իրականացում,
Համատեղ գիտական կոնֆերանսների և կրթական սեմինարների կազմակերպում և իրականացում,
Համատեղ նորարարական, դրամաշնորհային ծրագրերի իրականացում
Աջակցություն բուժաշխատողների մասնագիտական ունակությունների ու գիտելիքների կատարելագործմանը և մասնագիտական վերապատրաստումներին:
Համատեղ փոխշահավետ և հարթակների մասին իրազեկմանը խթանող ծրագրերի իրականացում

Doctor Yan-ը նորարարական հարթակ է, որի նպատակն է փոխել ու բարելավել բժիշկներին դիմելու և այց գրանցելու մշակույթը Հայաստանում։ Այն նախատեսված է ինչպես բժիշկների, այնպես էլ պացիենտների համար։

Հավելվածն առավել հարմարավետ է դարձնում բժիշկների աշխատանքային ընթացքը՝ նվազեցնելով նրանց մուտաքային զանգերի քանակը և կազմելով գրանցումների ցուցակը։

Բացի այդ՝ հավելվածը հնարավորություն է տալիս բժիշկներին ստեղծել առցանց այցեքարտ, որտեղ հրապարակվում են այցի ավարտից հետո պացիենտների իրական գնահատականները։

Doctor Yan-ի միջոցով պացիենտները տեսնում են բժշկի ազատ ժամերն ու այցելության գրանցման հայտ ուղարկում հենց հավելվածի միջոցով՝ առանց բժշկին զանգելու։ Հավելվածի միջոցով գրանցման գլխավոր առավելություններից է հիվանդանոցային հերթերից խուսափելը․ բժիշկը պացիենտին ընդունում է առանց հերթի՝ գրանցման ժամին։

Doctor Yan-ի աջակցման կենտրոնի աշխատակիցները միշտ կապի մեջ են և՛ բժիշկների, և՛ պացիենտների հետ։ Կատարելով անձնական օգնականի դեր՝ աշխատակիցները ցանկացած հարցին արագ և էֆեկտիվ լուծում են տալիս։